ජනමාධ්ය විශිෂ්ටතා සම්මාන උලෙළේදී හොඳම පරිසර වාර්තාකරණය වෙනුවෙන් පිදෙන විශිෂ්ටතා සම්මානය ‘සිළුමිණ’ පුවත්පතේ සුභාෂිණී චන්දිමා ජයරත්න, වසරේ ගවේෂණාත්මක මාධ්යවේදියාට හිමි කුසලතා සම්මානය ‘සිළුමිණ‘ පුවත්පතේ තාරක වික්රමසේකර, දෙමළ මාධ්යයේ හොඳම ක්රීඩා වාර්තාකරණය වෙනුවෙන් වන සම්මානය ‘තිනකරන්’ පුවත්පතේ එස්. ෆිර්තවුස් මහත්ම මහත්මීන් ලබාගත් අයුරු.
ශ්රී ලංකා කර්තෘ සංසදය විසින් ජනමාධ්ය වෘත්තියෙහි නියැළී සිටින විශිෂ්ටයන් ඇගයීම වෙනුවෙන් වාර්ෂිකව සංවිධාන කරනු ලබන ‘ජනමාධ්ය විශිෂ්ටතා සම්මාන උලෙළේදී සම්මාන ත්රිත්වයක් දිනාගැනීමට ලේක්හවුස් ආයතනයේ මාධ්යවේදීහු සමත් වූහ. ඒ අනුව වසරේ හොඳම පරිසර වාර්තාකරණය වෙනුවෙන් පිදෙන විශිෂ්ටතා සම්මානය ‘සිළුමිණ’ පුවත්පතේ සුභාෂිණී චන්දිමා ජයරත්න විසින් දිනාගනු ලැබූ අතර, දෙමළ මාධ්යයේ හොඳම ක්රීඩා වාර්තාකරණය වෙනුවෙන් වන සම්මානය ‘තිනකරන්’පුවත්පතේ එස්. ෆිර්තවුස් විසින් දිනාගන්නා ලදි. වසරේ ගවේෂණාත්මක මාධ්යවේදියාට හිමි කුසලතා සම්මානය ‘සිළුමිණ‘ පුවත්පතේ තාරක වික්රමසේකර විසින් දිනා ගත්තේය.
ශ්රී ලංකා කර්තෘ සංසදය විසින් ජනමාධ්ය වෘත්තියෙහි නියැළී සිටින විශිෂ්ටයන් ඇගයීම වෙනුවෙන් වාර්ෂිකව සංවිධාන කරනු ලබන ‘ජනමාධ්ය විශිෂ්ටතා සම්මාන උලෙළ’ ගල්කිස්ස මහ හෝටලයේදී (20 වන දින ) ඉතා උත්කර්ෂවත් අන්දමින් පැවැත්විණි. ජනමාධ්ය කලාව උදෙසා ඉටුකරන ලද මෙහෙවර උදෙසා පිරිනැමෙන මෙම සම්මාන උලෙළ මෙවර පවත්වනු ලැබුවේ 26 වැනි වරටය. ජනමාධ්ය ක්ෂේත්රය වෙනුවෙන් ඉටුකරන ලද දීර්ඝකාලීන සේවය අගයමින් පිරිනමනු ලබන දීර්ඝ සේවා සම්මාන රැසක් ද මෙහිදී පිරිනැමිණි. ජ්යෙෂ්ඨ මාධ්යවේදීන් වන උපාලි තෙන්නකෝන්, පුෂ්පා ඉලංගන්තිලක, ආර්.ඒ.ඊ. රාමන්, ඇලෙක්සැන්ඩර් බාලසූරිය සහ සාදි තව්ෆීක් මහත්ම මහත්මීහු එම සම්මානවලින් පිදුම් ලැබූහ.
