ලේක්හවුස් නිර්මාතෘ දිවංගත ඩී.ආර්. විජයවර්ධන ශ්‍රීමතාණන්ට පින් අනුමෝදන් කිරීම සහ ආයතනයේ සේවය කර මිය පරලොව ගිය සියලුම සේවක මහත්ම මහත්මීන්ට පින් අනුමෝදනා කිරීමත් අරමුණෙන් සෑම පොහෝ දිනකම කේන්ද්‍ර කර ගෙන පවත්වන පෝදා ධර්ම දේශනා මාලාවේ නිකිණි පොහෝ දින ධර්ම දේශනාව අද (20) පැවැත්විණි.
දැනට ආයතනයේ සේවයේ යෙදී සිටින සියලුම සේවක සේවිකාවන්ට ආශිර්වාද ප්‍රාර්ථනා කිරීමත් අරමුණු කරගෙන ලේක්හවුස් බෞද්ධ සංගමය මඟින් සංවිධාන කරන මේ ධර්ම දේශනා මාලාවේ මෙවර ධර්ම දේශනය පැවැත්වුයේ විචිත්‍ර ධර්ම කථික, කොළන්කන්ද ගල්ලෙන් ආරණ්‍ය සේනාසනාධිකාරී දිද්දෙණියේ විමල සංඛ අනුනාහිමියන් විසිනි.
එහිදී ලේක්හවුස් ආයතනයේ නියෝජ්‍ය සාමාන්‍යාධිකාරී (දැන්වීම්) චින්තක යාපා මහතා විසින් ස්වාමීන් වහනසේට ධර්ම දේශනයට ආරාධනා කළ අතර, ලේක්හවුස් ආයතනයේ සභාපති, මහාචාර්ය හරේන්ද්‍ර කාරියවසම් මහතා සහ අධ්‍යක්ෂ මණ්ඩලය ඇතුළු සේවක සේවිකාවෝ මේ අවස්ථාවට සහභාගි වූහ.
