සෑම මසකම පොහොය දිනය නිමිති කරගෙන ලේක්හවුස් බෞද්ධ සංගමය සංවිධාන කරන ධර්ම දේශනා මාලාවට සමගාමීව මෙවර පොසොන් පොහෝ දින ධර්ම දේශනාමය පින්කම ඊයේ (18) පැවැත්විණි. විචිත්‍ර ධර්ම කථික, ශාස්ත්‍රපති රාජකීය පණ්ඩිත තලල්ලේ චන්දකිත්ති හිමියන් විසින් ධර්ම දේශනය පැවැත්වූ අතර මෙවර ධර්ම දේශනා පින්කමට දායකත්වය දරනු ලැබුවේ ලේක්හවුස් ආයතනයේ නීති හා පරිපාලන අධ්‍යක්ෂ නීතිඥ ජනක රණතුංග මහතා විසිනි.
ලේක්හවුස් නිර්මාතෘ දිවංගත ඩී.ආර්. විජයවර්ධන මහතාට පින් අනුමෝදන් කිරීමත්, ආයතනයේ සේවය කර මිය පරලොව ගිය සේවක සේවිකාවන්ට පින් අනුමෝදනා කිරීමත් වෙනුවෙන් මේ පින්කම වාර්ෂිකව සංවිධාන කෙරේ.
