ජනසතු සේවා එල්ලේ ශූරතාව ලේක්හවුස් දිනයි

ජනසතු සේවා එල්ලේ තරග පසුගියදා නුවරඑළිය නගර සභා ක්‍රීඩාංගණයේදී පැවැත්විණි. එහිදී ‘බී’ කාණ්ඩයේ ශූරතාව ලේක්හවුස් කණ්ඩායම දිනා ගන්නා ලදී. තරගයේ වීරයා, වැඩිම ලකුණුලාභියා මෙන්ම තවත් සම්මාන සමඟ සහතිකපත් දිනා ගැනීමට ලේක්හවුස් කණ්ඩායම සමත් විය. මෙහි ‘ඒ’ කාණ්ඩයේ ශූරතාව, ගුවන්තොටුපොළ හා ගුවන් සේවා සමාගම ද ‘සී’ කාණ්ඩයේ ශූරතාව සේවක භාරකාර අරමුදල් මණ්ඩල කණ්ඩායම ද දිනා ගන්නා ලදී. ලේක්හවුස් කණ්ඩායම විසින් ලංකා ඛනිජ තෙල් නීතිගත සංස්ථාව, මහජන බැංකුව, ශ්‍රී ලංකා ආයෝජන මණ්ඩලය, ශ්‍රී ලංකා රක්ෂණ සංස්ථාව යන කණ්ඩායම් පරාජය කළේය.